Wednesday, June 18, 2014
ගැටුම හඟවන පද
අංකර අල්ලනවා - දබර කරගන්නව - කෝලහල කරනවා (අංගම් පොර ක්රීඩාව ආශි්රත ව බිඳුණ වදනකි)
අංකර මාලික්කම් - අඩදබරය, සණ්ඩු සරුවල් කිරීම
අංගන විනය - මතභේදය, ආරවුල
අංගම - කෙනෙකුට විපතක් කිරීමට සිතා මතුරන මන්තරය (දිගාමඩුලු ප්රදේශයේ භාවිත වෙයි. ගම්මිරිස් ඇට ගෙන මතුරා අහසට පිඹීමෙන් සතුරා විනාශ වේ ය විශ්වාස කරයි)
අංගම් කොටනවා - දෙදෙනකු අතර සිදුවන ද්වන්ද සටන
අංචි අදිනවා - උගුල් අටවනවා
අකාමකා දමනවා - විනාශකර දමනවා, නැතිකර දමනවා මෙන්ම අමතක කර දමනවා යන අරුත ද ගෙනෙයි.
අඟරනවා - ගැටුමකට සැරසෙනවා
අටකෙවනවා - පොරයකට තැත් කරනවා, දබරයකට සැර සෙනවා
අටත - සතුරන් යටත් කරගැනීමට යොදාගන්නා උගුල
අතෝර අල්ලනවා - හොඳ හැටි තලනවා කෙනෙකුට තදින් පහර දෙනවා
අනිගැනීම - කෝපයෙන් කතා කිරීම
අනවින - කෙනෙකුට විපතක් කිරීමට යොදන උපක්රමය
අදිරි කරනවා - ආරවුල් කරනවා, රණ්ඩු කරනවා
අන්දරකෙත්ත - රණ්ඩු කෙරෙන යන අරුතින් යෙදේ, නිතර ගැටුම් ඇති කරන තැනැත්තිය
අන්නා කොටවනවා - දබර කරවනවා
Subscribe to:
Post Comments (Atom)
No comments:
Post a Comment